Կուբան պատրաստ է ԱՄՆ-ի հետ բանակցություններ անցկացնել 15 տարի առաջ կղզում լրտեսական կասկածանքներով ազատազրկված 63-ամյա ամերիկացի Ալան Գրոսի ճակատագրի և կուբացի 5 ապօրինի գործակալների ազատման մասին: Վերջիններս տևական ժամկետով ազատազրկման էին դատապարտվել Ֆլորիդայում: Այս մասին հաղորդում է RIA Novosti-ն:
Հավանայում երեկ կայացած մամլո ասուլիսի ժամանակ տեղի ԱԳՆ-ի՝ ԱՄՆ-ի հարցերով դեպարտամենատի ղեկավար Խոսեֆինա Վիդալը հայտարարել էր, որ Կուբայի իշխանությունները ևս մեկ անգամ հրավիրում են ամերիկյան կառավարությանը լուրջ զրույցի՝ իրադրությունից երկու կողմերի համար ընդունելի ելք գտնելու:
Նա ուշադրություն է դարձրել այն բանին, որ ԱՄՆ-ն շարունակում է պնդել Կուբայի կողմից միակողմանի որոշման ընդունումը՝ հաշվի չառնելով կուբայան կողմի մարդասիրական անհանգստությունները կուբացի 5 հակաահաբեկիչների ճակատագրի առնչությամբ:
Վիդալի կարծիքով՝ ԱՄՆ-ի կառավարությունը անընդունելի դիրքորոշում է ընդունել՝ հաստատվելով, թե բանակցությունների համար առիթ չկա: