Ամերիկյան Citigroup-ը որոշել է կրճատել անձնակազմի 4 տոկոսին կամ 11 հազար աշխատակցի:
Կրճատման պարագայում միլիարդ դոլարի չափով միանվագ աշխատավարձերի վճարում է նախատեսվում: Կրճատումների հաշվին ընկերությունը 2013 թ. ակնկալում է 900 միլիոն դոլարի խնայողություն: Եվս մեկ տարի անց, ինչպես սպասվում է, տարեկան խնայողությունը կկազմի 1,1 միլիարդ դոլար:
Ներդրողները հավանության են արժանացրել կազմակերպության նման որոշումը: Նյու Յորքի ֆոնդային բորսաներում դեկտեմբերի 5-ին կազմակերպության ակցիաների գներն աճել են 4,3 տոկոսով` հասնելով 35,7 դոլարի:
Հոկտեմբերին հրաժարական էր ներկայացրել կազմակերպության գլխավոր տնօրենը, ում փոխարինել է Մայքլ Կորբատը, և հենց նա էլ այս փոփոխությունների հեղինակն է:
Նախկինում ևս եղել էին կրճատումներ, սակայն ոչ այսպես զանգվածային։