ԵՄ երկրների քաղաքացիներին՝ փրկագին պահանջելու նպատակով առևանգելը «Ալ-Քայիդայի» համար իսկական բիզնես է դարձել: Հետազոտությունը ցույց է տվել, որ 2008-ից ի վեր «Ալ-Քայիդան» ու նրա դաշնակիցները այդ շահավետ գործունեությունից առնվազն 125 մլն դոլար են ստացել: Այս մասին գրում է The New York Times-ը:
Բանն այն է, որ ահաբեկչական խմբավորման ղեկավարությունը գաղտնի ֆինանսավորում է ստացել եվրոպական երկրներից, ինչը քողարկվել է պատանդների դիմաց գումար վճարելով: Վերոնշյալ 125 մլն դոլարից միայն 66 մլնը վճարվել է վերջին տարվա ընթացքում:
Այսպիսով, ԵՄ-ն յուրովի «աջակցում» է «Ալ-Քայիդային»: Նշվում է նաև, որ եթե 2003-ին առևանգիչները 1 պատադնի դիմաց մոտ 200 հազար դոլար են ստացել, այժմ այն հասնում է մինչև 10 մլն դոլարի:
