Չնայած Չինաստանի ավտոշուկան համեմատաբար ոչ վաղուցվա պատմություն ունի` ՉԺՀ-ի բնակիչներն այնպիսի ավտոմեքենաներ են ստեղծում, որոնք պարզապես ապշեցնում են արևմուտքի բնակիչներին: Եկեք մոտիկից ծանոթանանք made in China ավտոմեքենաներից մի քանիսին:
Great Wall Hover Pi լիմուզին-ամենագնացը, հավանաբար, եվրոպացիներին կհիացնի իր սրահով, որի առանձնահատկություններից է դիզայնը: Սակայն Չինաստանի համար, որտեղ այսպիսի մեքենա ունենալը համարվում է հարստության նշան, այս լիմուզինը պարզապես երազանք կլինի:
BAW Motors Yongshi ավտոմեքենան ռազմական ջիպ է համարվում և Humvee ամենագնացի и Range Rover-ի խառնուրդ է հիշեցնում: Մեքենան ունի CD-փլեյեր, տեղավորում է 5 ուղևորի, լիովին հարմար կլինի նաև քաղաքացիական անձանց համար:
HNUSP ընկերության L-DDC ավտոմեքենան իսկապես կզարմացնի անիվների դիրքով. մեկը գտնվում է առաջամասում, մյուսը՝ հետնամասում: Եվս երկուսը տեղակայված են կենտրոնում:
BAW Motors-ի BAW Motors Zhanqi-ն կարելի է համարել Jeep Wrangler-ի երկարացված տարբերակ: Սակայն այն օրիգինալից պակաս հզոր է, բոլոր առումներով զիջում է:
Li Shi Guang Ming-ի Detroit Fish-ն իսկական գտածո է տաօրինակ ավտոմեքենաների սիրահարների համար: Մեքենան առաջին անգամ ներկայացվել է 2008-ին և շատ բուռն արձագանք է գտել: Այն 6 800 դոլար արժե:
Նույն ընկերությունը ստեղծել է մեկ այլ` ոչ պակաս տարօրինակ էլեկտրամոբիլ, որը կոչվում է Book of Songs: 8 000 դոլարով դուք ձեռք կբերեք ծաղրածուի ոտնաման հիշեցնող ավտոմեքենա, որի առավելագույն արագությունը 45 կմ/ժ-ից մի փոքր ավելի է, հայտնում է style.rbc.ru-ն:
