Forrights.am-ը գրել է.
Այսօր «Ցեղակրոն» կուսակցության առաջնորդ Շանթ Հարությունյանը դատարանում հանդես եկավ հայտարությամբ, որով բացատրեց, թե ինչու են իրենք՝ ցեղակրոնները, Մոսկվային համարում Հայաստանի թշնամին. «Ռուսաստանը Ադրբեջանին շան պես քսի է տալիս Հայաստանի վրա, որ ինքն էլ ստանձնի իբր Կովկասի չոբանի դերը»:
Շանթ Հարությունյանը կարծում է, որ Ադրբեջանը ստեղծվել է Ռուսաստանի եւ Թուրքիայի համաձայնությամբ՝ Հայաստանին ճնշելու համար: «Ռուսաստանը Հայաստանի տարածքները բաժանել է Թուրքիայի, Ադրբեջանի եւ իր միջեւ: Այսօր էլ, ինչպես նախկինում Հայաստանը Ռուսաստանին պետք է առանց հայերի»,- հայտարարեց Շանթ Հարությունյանը:
Շանթ Հարությունյանը եւ նրա ընկերները շարունակում են իրենց քաղաքական պայքարը դատարանի դահլիճում, քանի որ 2013 թվականի նոյեմբերի 5-ի ցույցից հետո նրանք ձերբակալվել են եւ մեղադրվում են «խուլիգանության» մեջ:
«Շանթ Հարությունյան եւ ընկերներ» գործով «տուժող» ճանաչված ոստիկաններից շատերն ընդամենը աչքերի մրմռոց են զգացել, որը տեւել է մի քանի վայրկյան: Նրանցից մի քանիսն էլ պնդում են, թե ցուցարարներն իրենց հրել են: Այսօր «տուժողները» հարցաքննվում էին Կենտրոն եւ Նորք-Մարաշ վարչական շրջանների ընդհանուր իրավասության դատարանում:
Ոստիկանության աշխատակից Ռազմիկ Խառատյանը պնդում էր, որ նոյեմբերի 5-ին տեղի ունեցած ցույցի ժամանակ լսել է հայհոյանքներ, սակայն հայհոյողը ամբաստանյալներից եւ ոչ մեկը չէ: Մեղարյալները Խառատյանին հարց ուղղեցին, թե արդյոք նա չի լսել, որ հայհոյողը ՀՀ ոստիկանության 4-րդ հատուկ գումարտակի հրամանատար Գեղամ Խաչատրյանն է եղել, ինչը արձանագրվել է նաեւ տեսագրության մեջ: Հարցաքննվող ոստիկանն ասաց, թե ինքը չի լսել, թե ինչպես է Գեղամ Խաչատրյանը հայհոյում եւ չի էլ հիշում, թե հայհոյողը կոնկրետ ով է եղել:
Նյութն ամբողջությամբ՝ սկզբնաղբյուրում:
