Մեծ Բրիտանիայում արքայազն Ֆիլիպի և արքայադուստր Աննայի նախկին օգնական Բենջամին Հերմանը մեղադրվում է 12-ամյա աղջկա հանդեպ ոտնձգություններ կատարելու համար՝ գրում է The Times-ը: Այս տեղեկությունը հաստատել են քրեական հետապնդման թագավորական ծառայությունում:
Հաղորդվում է, որ հանցագործությունները կատարվել են 1972-1974 թթ., երբ Հերմանն աշխատել է Բուքինգհեմյան պալատում որպես բրիտանական թագավորական ընտանիքի անդամների անձնական օգնական: Ընդհանուր առմամբ, 79-ամյա տղամարդու դեմ առաջադրվել է երեխայի նկատմամբ ոտնձգության 3 և ոտնձգության փորձի 1 մեղադրանք:
Հայտնի չէ՝ իրավապահները հարցաքննե՞լ են արքայազն Ֆիլիպին կամ թագավորական ընտանիքի մյուս անդամներին:
Հերմանը հայտարարել է, որ պատրաստվում է հերքել առաջադրված բոլոր մեղադրանքները:
