Այսօր կառավարության նիստից հետո Հայաստանի արդյունաբերողների և գործարարների միության նախագահ Արսեն Ղազարյանը լրագրողների հետ զրույցում, պատասխանելով հարցին՝ արդյոք Հայաստանի գործարար աշխարհը որևէ ծրագիր սառեցրե՞լ է ՌԴ-ի հետ՝ հաշվի առնելով Արևմուտքի պատժամիջոցները, ասաց, որ ոչ մի ծրագիր չի սառեցվել, մտահոգություններ չկան և շարունակում են աշխատել:
«Մեր բիզնես ծրագրերը, խոշորագույն շուկան, որտեղ մենք արտահանումներ ենք իրականացնում, ներդրումներ ունենք, շարունակվում են տրամաբանական ընթացքով, ուղղակի մեզ համար շահագրգիռ վիճակ է, որ համաշխարհային հանրությունը և ՌԴ-ն ներդաշնակեցնեն իրենց հարաբերությունները,- ասաց Արսեն Ղազարյանը՝ հավելելով, թե պատժամիջոցներն ինչպիսին կլինեն Ռուսաստանի նկատմամբ՝ շատ մասնագետներ նույնիսկ այդ հարցն են քննարկում և չեն հասկանում: Իսկ Հայաստանի նկատմամբ, որ միջնորդավորված է այդ շուկայի հետ, այդ վտանգների մասին խոսելը դեռևս շատ շուտ է:
Ավելին՝ տեսանյութում:
