NASA-ն հայտարարել է նոր մարսյան առաքելության արձակման մասին, որի շրջանակներում գծագրվելու ու արձակվելու է նոր՝ երկրորդ մարսագնացը: Այս մասին հայտնել են կազմակերպության կայքում: Պլանավորվում է, որ արձակումը տեղի կունենա 2020 թ.:
Հաղորդվում է, որ սարքավորման արտաքին տեսքը նման կլինի մարսագնաց Curiosity-ին: Դա թույլ կտա NASA-ին տնտեսել գրեթե մեկ միլիարդ դոլար, քանի որ նոր նախագծի արժողությունը 1,5 մլրդ դոլար է, այն դեպքում, երբ Curiosity-ը արժեցել է 2,5 մլրդ դոլար:
Հաղորդվում է, որ NASA-ն ստիպված է եղել կրճատել սարքավորման նախագծման ծախսերը, երբ հայտնի է դարձել, որ ֆինանսավորումը կրճատվել է:
Երկրորդ մարսագնացի խնդիրն է լինելու ուսումնասիրության համար մտնել հողաշերտերի մեջ և կյանքի նշաններ որոնել:
NASA-ն հայտարարել է նաև այն մասին, որ պատրաստվում է եվրոպական մարսագնացների արձակմանը, ինչը պլանավորում է 2016 և 2018 թթ. համար:
Մարսագնաց Curiosity-ը գտնվում է Կարմիր մոլորակի մակերեսին այս տարվա օգոստոսից: Նրա հիմնական խնդիրը Մարսի հողի և կլիմայի ուսումնասիրությունն է:
