««Բյուջե-2013»-ի քվեարկությունը կկայանա այսօր: Երեկ հայրենի կառավարությունն ապացուցեց, որ թքած ունի երկրի կարևորագույն ֆինանսական փաստաթղթի վրա»,- գրում է «Հրապարակ»-ը և հավելում.
«Երեկ Աժ-ում բյուջեի նախագծի քննարկման ժամանակ վարչապետ Տիգրան Սարգսյանը` իր շքախմբով, նիստի կեսից լքեց դահլիճը, այնտեղ թողնելով 2-3 նախարարի: Եվ մինչ ընդդիմության ներկայացուցիչները կոկորդ պատռելով քննադատում էին նախագիծը, կառավարության անդամները զվարճանում էին Աժ-ի իրենց սենյակում, որտեղից անկաշկանդ հռհռոց և ծափեր էին լսվում: Խումբը դահլիճ վերադարձավ, երբ հերթը հասավ վարչապետի ամփոփիչ ելույթին, որը նախատեսված 30-ի փոխարեն տևեց 7-8 րոպե»:
