Գաղտնի ֆայլերի տերաբայթները, որոնցով ԿՀՎ-ն և MI6–ը փոխանակվում էին շվեյցարական հետախուզության հետ, գողացել են։ Այս մասին տեղեկացնում է Reuters-ը՝ հղում կատարելով Ազգային անվտանգության եվրոպական ուժերին:
Տեղեկատվությունների համաձայն՝ Շվեյցարիայի հետախուզական ծառայությունում աշխատող IT-մասնագետը ներբեռնել է գաղտնի տեղեկատվությունները, պահպանել է դրանք արտաքին կրիչների վրա և դուրս հանել ծառայության շենքից: Այդ ձևով նա հափշտակել է մի քանի միլիոն տպագիր էջ: Այդ փաստաթղթերը վերաբերում են ահաբեկչությանը։
Գործակալության աղբյուրները տեղեկացնում են, որ այդ տղամարդը ՀԴԾ-ում աշխատել է ութ տարի և բավականին բարձր պաշտոն է զբաղեցրել: Քննիչները կարծում են, որ նա լրտեսությունն արել է իր աշխատանքից բավարարված չլինելու պատճառով:
Հանցագործի անունը չի նշվում: Տեղեկացվում է, որ նրան ձերբակալել են ամռանը՝ այն բանից հետո, երբ ինչ-որ մեկն ուշադրություն է դարձրել նրա տարօրինակ վարքագծին, սակայն որոշ ժամանակ անց ազատ են արձակել: Գործի քննությունը ներկայում շարունակվում է։
