Չինական Յունկան հիվանդանոցի բժիշկները ցնցվել են, երբ նրանց է դիմել որովայնի շրջանում ցավերով և մեզի մեջ արյան հետքերով 44-ամյա տղամարդը: Ավելի մանրամասն զննելուց հետո պարզվել է, որ տղամարդու մոտ մենստրուացիա է սկսվել, իրականում նա հերմաֆրոդիտ է եղել, նշում է Digital Journal-ը:
Ախտորոշումն արվել է տոմոգրաֆիայի օգնությամբ: Պարզվել է, որ տղամարդը կանացի վերարտադրողական օրգաններ ունի՝ արգանդ և ձվարաններ: Գենետիկ անալիզը ցույց է տվել նաև, որ հիվանդը քրոմոսոմների ХХ միացություն ունի, այսինքն՝ գենետիկորեն նա կին է:
Տղամարդը 10 տարի ամուսնացած է: Սակայն նրա դեմքին մազեր չեն եղել, չեն եղել նաև ադամախնձոր և նորմալ սեռական օրգաններ:
Նրա մոտ ադրենոգենիտալ սինդրոմ է ախտորոշվել, որը վաղ փուլում բացահայտելու դեպքում հնարավոր կլիներ բուժել: