LiveJournal բլոգ հոստինգը երկուշաբթի օրվանից կսկսի ֆինանսական ծրագիր, որի նպատակն է աջակցել քիչ ճանաչված բլոգներին և միություններին։ Կտրամադրվի 300,000 դոլարի դրամաշնորհ,- հաղորդում է RIA Novosti-ն։ Այդ ծրագրի մասին տեղեկացվել էր դեռ 2011-ի դեկտեմբերին։
Դրամաշնորհ կարող են ակնկալել նաև նրանք, ովքեր դեռևս չունեն բոլգ, բայց ունեն հետաքրքիր գաղափար։ Սակայն նախապատվությունը տրվելու է արդեն գործող նախագծերի։ Միջոցները տրամադրվելու են LiveJournal ներքին արժույթով։
Դրամաշնորհ տրամադրելու որոշումը կկայացնի LiveJournal –ի փորձագետների խորհուրդը։ Չափերը կարող են տարբեր լինել։ Առևտրային գործունեությունը արգելված է։ Դրամաշնորհը կտրվի հատուկ կարգով, եթե հայտատուները բավարարեն որոշակի պայմաններ։
LiveJournal-ի օգտատերերի թիվը 30 մլն է, ռուսալեզուներինը՝ 5 մլն։ Օգտատերերից շատերը չունեն սեփական հաշիվները, սակայն պարբերաբար կարդում են տարբեր բլոգների և միություների գրությունները։
