«Ցանկանում եմ մտնել ՎԻԱ Գրա» շոուի համար պրոդյուսեր Կոնստանտին Մելաձեն քասթինգ է անցկացնում: Այս մասին հայտարարել է ռեժիսոր Ալան Բադոևը:
«Ես պաշտամունքային «ՎԻԱ Գրա» խմբի նոր պատմություն եմ սկսում: Սպասում եմ ինքնավստահ, ամենատարբեր աղջիկների: Ինձ անհրաժեշտ է տաղանդ և կենդանի զգացմունք: Ա. Բադոևի և նրա թիմի հետ մենք հեռուստատեսային սենսացիա կստեղծենք և պատուհան կբացենք դեպի իրական շոու բիզնես»,- «Կոմսոմոլսկայա պրավդային» հայտնել է Մելաձեն: Շոուն կցուցադրվի 2013-ի մարտից: Կլինեն 8 թողարկումներ՝ շաբաթական 1 անգամ:
Բադոևի խոսքերով՝ քասթինգը կսկսվի երկու շաբաթից, սկզբում՝ Կիևում, այնուհետև՝ Մոսկվայում: Ըստ հեղինակների՝ նախագիծը նպատակ ունի ցույց տալ, թե ինչպես է պրոդյուսերը երգչուհիներ հավաքում իրականում գոյություն ունեցող խմբի համար: Եվ դա ոչ թե հեռուստաշոու է, այլ «անդրկուլիսյան իրողություն»:
«ՎԻԱ Գրա» խումբն իր գոյութունը կդադարեցնի ամանորյա գիշերը՝ 2013-ի հունվարին:
