ԱՄՆ Վայոմինգ նահանգի Կասպեր քաղաքի ոստիկանությունը, որտեղ նոյեմբերի 30-ին երիտասարդ տղամարդը սպանել էր իր հորը, նրա ընկերուհուն և ինքնասպան եղել, պատմել է հանցագործության ենթադրյալ դրադապատճառների մասին,- հաղորդում է Associated Press-ը:
Ոստիկանությունից հայտնել են, որ սպանությունից մի քանի շաբաթ առաջ մարդասպան Քրիստոֆեր Կրումը հարևանին բողոքել է, որ հորից իրեն փոխանցվել է Ասպերգերի աշխտանիշ: Կրումի խոսքերով՝ հորը պետք է «ամորձատել» և արգելել նրան երեխաներ ունենալ:
Հիշեցնենք, որ նոյեմբերի 30-ին Կասպեր քաղաքում 25-ամյա Քրիստոֆեր Կրումը ներխուժել էր Կասպերի քոլեջի գրասենյակ, որտեղ նրա հայրը՝ Ջիմ Կրումը, ծրագրավորման դասընթաց էր անցկացնում, և կրակել էր նրա վրա, այնուհետև դանակահել, որից հետո ինքնասպան էր եղել:
Ոստիկանության տվյալներով՝ հորը սպանելուց առաջ Քրիստոֆերը սպանել էր նաև նրա ընկերուհուն՝ Հեյդի Առնոլդին, որը մաթեմատիկա էր դասավանդում նույն քոլեջում:
