Այս լուրին երկար են սպասել ամբողջ աշխարհի գիտնականները… Եվ երբ աշակերտները դժգոհեն, որ տնային աշխատանքները ժամանակի անիմաստ կորուստ են, ծնողները ստիպված կլինեն համաձայնել նրանց հետ:
Այս եզրակացության են հանգել հետազոտողները` հայտնաբերելով, որ տանը հավելյալ ուսուցումը ոչինչ չի նշանակում: Հաստատվել է, որ տնային աշխատանքները պարտադիր չեն աշակերտների ավելի բարձր գնահատականների համար, սակայն դրանք օգնում են անցնել ստանդարտացված թեստերը:
Վիրջինիայի համալսարանի հետազոտողները վերանայել են 18 հզ. աշակերտների գնահատականներն ու առաջադիմության տվյալները:
Արդյունքները ցույց են տվել, որ տնային աշխատանքների ծավալը ոչ մի կերպ չի ազդում գնահատականների վրա: Ըստ էության, ստացվում է, որ տնային աշխատանքը ինչ-որ կերպ պարտադիր իրականացման, քան թե դպրոցական գործընթացին ներգրավվելու համար է:
Հետազոտողները, իհարկե, նկատի չունեն, որ բոլոր տնային աշխատանքներն են սխալ, մանավանդ երբ խոսքը մաթեմատիկայի մասին է:
Աշակերտները, որոնք օրական կես ժամ ծախսել են մաթեմատիկայի խնդիրներ լուծելու վրա, թեստերի ժամանակ ավելի բարձր գնահատական են ստացել, քան մյուսները: Սակայն հետազոտության արդյունքները պետք է անհանգստացնեն ուսուցիչներին, քանի որ դրանք փոխում են բոլոր պատկերացումները դպրոցական պարապմունքների մասին:
Հետազոտողները խորհուրդ են տալիս տնային աշխատանք հանձնարարել իրականում անհրաժեշտ նյութեր, այլ ոչ թե գործել ըստ «Որքան շատ, այնքան լավ» սկզբունքի: