Ամերիկյան գիտնականները հաղորդել են, որ ԱՄՆ-ում ՁԻԱՀ-ով վարակվածների թիվը վերջին 10 տարվա ընթացքում կրճատվել է մեկ երրորդով:
Ըստ հետազոտողների տվյալների՝ 2002 թ. երկրում յուրաքանչյուր 100 հազար բնակչի բաժին է հասել 24,1 ՁԻԱՀ կրող, այն դեպքում, երբ 2012-ին 16,1 էր:
Փորձագետները այդ միտումը հուսադրող են համարում:
Միևնույն ժամանակ անհանգստություն է առաջացնում այն փաստը, որ 24-45 տարեկան բիսեքսուալ և համասեռամոլ տղամարդկանց շրջանում վերջին տարիներին, ընդհակառակը, ավելանում է ՁԻԱՀ-ով հիվանդների թիվը:
Ինչպես հաղորդում է Առողջապահության համաշխարհային կազմակերպությունը՝ ՁԻԱՀ-ի ախտորոշմամբ մարդկանց ընդհանուր թիվը մոտ 35 մլն է: Մոտավորապես 1 մլնը ապրում է ԱՄՆ-ում, իսկ 18%-ը չի էլ կասկածում, որ վարակված է:
