Ռիո դե Ժանեյրոյում Pirelli օրացույցի շնորհանդեսի ժամանակ երիտասարդ մոդելները նախանձով էին նայում, թե ինչպիսի տեսք ունի 78-ամյա Սոֆի Լորենը, ով հայտնվելով հայտնի էրոտիկ օրացույցի շնորհանդեսին՝ իսկույն գրավել էր լրագրողների ուշադրությունը:
Իրադարձությունը նվիրված էր օրացույցի 40-րդ համարի թողարկմանը: Լորենը կրում էր փայլուն, բաց դեկոլտեով զգեստ:
Սոֆիի կողքին համեստ շրջում էին քսանամյա մոդելները՝ Կարլի Քլոսսը, Իզաբել Ֆոնտանան, Պետրա Նեմցովան և ուրիշներ, ովքեր այս տարի դարձել են Pirelli-ի աստղեր:
Բոլորը փորձում էին իտալուհու վրա վիրահատության հետքեր գտնել, սակայն դերասանուհին բազմիցս նշել է, որ երբեք չի օգտվել պլաստիկ վիրաբույժների ծառայություններից:
Հիշեցնենք, որ 2007 թ.՝ 72 տարեկան հասակում Սոֆի Լորենը դարձել է Pirelli-ի աստղ՝ օրացույցի համար մերկ լուսանկարվելով: Այս տարի հրատարակությունը շատ համեստ է ստացվել. Մոդելները հագուստով են լուսանկարվել։
