Թուրքական TRT Haber հեռուստաալիքի փոխանցմամբ՝ Թուրքիայի՝ Եվրամիության հարցերով պետնախարար և ԵՄ-ին Թուրքիայի լիիրավ անդամակցության գծով գլխավոր բանագնաց Էգեմեն Բաղըշը Ստամբուլում անդրադարձել է ԵՄ-ին առնչվող խնդիրներին.
«ԵՄ-ը միայն քաղաքական ու տնտեսական միություն չէ, այն մարդկային պատմության մեջ ամենաընդգրկուն խաղաղության նախագիծն է, սակայն մայրցամաքային նախագիծն է: Այսօր ԵՄ-ը գտնվում է վերջին հարյուրամյակի համար ամենածանր տնտեսական վիճակում, ինչի հիմնական պատճառը նրա անդամ երկրների խոցելիությունն է: Առաջիկա 7 տարիների բյուջեի վերաբերյալ բանակցությունները շարունակվում են:
Թուրքիան վերջին 5 տարիներին ԵՄ-ի անդամ բոլոր երկրներից ավելի արագ զարգացող ուժ է: Այսօր ԵՄ-ը բազմաթիվ տեսանկյուններից ունի Թուրքիայի կարիքը: Տնտեսական համագործակցության ու զարգացման կազմակերպության (OECD) վերջերս հրապարակած 2050 թվականի նախագծում նշված է, որ Թուրքիան դառնալու է ԵՄ-ի երկրորդ խոշոր տնտեսությունը:
Այսօր ԵՄ-ին հարկավոր էներգակիրների աղբյուրների 75 տոկոսը գտնվում է Թուրքիայի կա՛մ արևելքում, կա՛մ հյուսիսում, կա՛մ էլ հարավում: Այսինքն՝ առանց Թուրքիայի ներդրման (մասնակցության) էներգակիրների այդ աղբյուրները չեն կարող հասնել ԵՄ-ի անդամ երկրներին: Հաշվի առնելով TANAP և Nabucco նախագծերի առաջիկա իրագործումը՝ Թուրքիան վերածվելու է էներգետիկ կենտրոնի: Այս տեսանկյունից էլ Թուրքիան ԵՄ-ի համար վերածվելու է մի մեծ երկրի»:
