Ամերիկացի լեգենդար ռոք-երաժիշտ Ջիմի Հենդրիքսի այրված կիթառը վաճառվել է 379.2 հազար դոլարով: Ինչպես հաղորդում է Sun թերթը, լոտը ներկայացրել է Fame Bureau Լոնդոնի աճուրդի տունը:
Հենդրիքսը կիթառն այրել էր 1967 թ. Մոնտերեյում (Կալիֆոռնիա նահանգ) տեղի ունեցած միջազգային փառատոնի ժամանակ։
Ավելի ուշ կիթառը փոխանցվել է Anim Limited ձայնագրման ընկերությանը, որտեղ գործիքը հայտնվել է Ջիմ Ռայթի ձեռքերում, վերջինս էլ այն հանել է աճուրդի: Նրա խոսքերով՝ Ջիմի Հենդրիքսից առաջ փառատոնում ելույթ ունեցած The Who խմբի անդամներից մեկը ելույթի ժամանակ ջարդել է կիթառը:
«Ջիմին բարկացած էր. նա որոշում է գերազանցել նրա արարքը և խնդրում է վառվող լուծույթ: Ամբողջ ելույթի ընթացքում նա նվագում է իր սիրելի սև կիթառով, իսկ ամենավերջում փոխում է կիթառը և վառում այն»,- նշել է Ռայթը՝ հավելելով, որ իր ամբողջ կարիերայի ընթացքում Հենդրիքսն այրել է երկու կիթառ:
Աճուրդի տան ներկայացուցիչներից մեկը հայտարարել է, որ իրեն ապշեցրել է գինը: «Մենք չորս լուրջ հավակնորդներ ենք ունեցել կիթառի համար»,- նշել է նա:
