Թուրքական Haber Türk թերթի փոխանցմամբ՝ ամերիկացի նախկին հետախույզ Ուեյն Մեդսենը մեկնաբանել է Թուրքիայի 8-րդ (1989-1993) նախագահ Թուրգութ Օզալի մահվան կապակցությամբ Թուրքիայում ընթացող հետաքննությունը:
Մեդսենը չի բացառել, որ Օզալին կարող են սպանած լինել ամերիկյան Կենտրոնական հետախուզական վարչությունը կամ իսրայելական «Մոսսադը», որոնք լայնորեն գործածել են «բժշկական մահափորձի» ձևերը: Մեդսենի խոսքերով՝ Օզալը բազմաթիվ թշնամիներ էր ձեռք բերել երկրի զինված ուժերում և «խորքային պետության» ներսում, որով և միաժամանակ իր հետ թշնամացրել էր ԿՀՎ-ին ու «Մոսսադ»-ին:
Հիշեցնենք, որ օրեր առաջ թուրքական «Զաման» թերթը գրել էր, թե Օզալի դիակից վերցված նմուշների դատաբժշկական փորձաքննությունը ցույց է տվել, որ նրա մարմնում առկա են 4 տարբեր թույներ:
