«Լրագրողներ առանց սահմանների» մամուլի պաշտպանության միջազգային կազմակերպությունը դատապարտել է 19-ամյա բլոգեր Օմար Մամեդովին 5 տարվա ազատազրկման դատապարտելու վճիռը: Այս մասին հայտնում է contact.az-ը:
«Օմարը դարձել է քաղաքականապես մանիպուլացվող դատարանի զոհ՝ կառավարությանը քննադատող բերանը փակելու նապատակով»,- ասվում է հայտարարության մեջ:
Օմար Մամեդովը Facebook-ում հեղինակել էր «Ընտրանի Aztv-ից» և «Հեյդար Ալիևի անվան» էջերը, որտեղ ծաղրում էր իշխանությունների քաղաքականությունը: Այդ էջեր ամսական մինչև կես մլն մարդ է այցելել:
«Սա հերթական քաղաքական գործընթացն է, որում քննադատող ձայնին լռել ստիպելու նպատակով խախտվել է պաշտպանության իրավունքը: Մենք արդարադատության համակարգին կոչ ենք անում վերաքննիչ դատարանում հանել բլոգերի դեմ անհեթեթ մեղադրանքները:
Եվրոպայի խորհուրդը պետք է անհրաժեշտ եզրակացություններ անի նրանից, որ ավելացող ճնշումները կազմակերպված են Ադրբեջանի իշխանությունների կողմից»,- ասել է «Լրագրողներ առանց սահմանների» կազմակերպության ստորաբաժանման ղեկավար Յոհան Բիրը: