Ադրբեջանական Salam News լրատվական գործակալության փոխանցմամբ՝ Ադրբեջանում Իրանի դեսպան Մոհսեն Պակ Այինը հայտարարել է, թե ակնկալվում է, որ Ադրբեջանի նախագահ Իլհամ Ալիևն այցելելու է Իրան: Դեսպանը հավելել է, որ այցը կայանալու է Իրանի նախագահ Մահմուդ Ահմադինեժադի հրավերով.
«Այցի ժամկետը դեռ հստակեցված չէ: Բացի Ալիևից, Իրան են հրավիրված նաև իրանա-ադրբեջանական միջխորհրդարանական բարեկամության խմբի անդամները: Ներկայումս քննարկվում է այցի ժամկետի հարցը: Բաքվում տեղի է ունենալու իրանա-ադրբեջանական միջկառավարական հանձնաժողովի 5-րդ նիստը, որում քննարկվելու են մի շարք հարցեր, այդ թվում` նաև տնտեսական համագործակցության ընդլայնման հարցը»:
