Գումի շուկայի վերավաճառողները և գյուղացիները մեր նկարահանման ժամանակ հուսալքությունից միմյանց հետ էին վիճում. վերավաճառողները պնդում էին, որ գյուղացին ապրանքը, միրգը, բանջարեղենը թանկ է վաճառում իրենց, գյուղացիներն էլ հերքում էին ու հիշեցնում պարարտանյութի, ջրի, վարկերի ու հարկերի մասին:
Թե վերավաճառողները և թե գյուղացիները նկատում են՝ առևտուր չկա, մարդիկ փող չունեն, ապրանքն էլ թանկ է, քանի որ քիչ է. ծիրանը 1500 դրամ է, տանձը՝ 1200, դեղձը՝ 1500: Վերավաճառողները պնդում են, որ այս գների դեպքում իրենք ունենում են ընդամենը 100-200 դրամի օգուտ: Գյուղացիներն էլ պնդում էին, որ դեղձի տեսակներ կան, որոնք իրենք մատչելի գներով են տալիս, անգամ 300 դրամով, իսկ թանկ են տալիս ընտիր դեղձը, բայց 1000-ից պակաս: Գյուղացիները նկատում էին՝ վերավաճառողները ծիրանը իրենցից գնում են 600-700 դրամով, իսկ վերջիններս հերքում էին:
Առավել մանրամասն՝ տեսանյութում