ԱՄՆ ընդդիմադիր կոնգրեսականները հրաժարվում են ՄԱԿ-ում ԱՄՆ մշտական ներկայացուցիչ Սյուզան Ռայսի հասցեին կոշտ քննադատությունից և պատրաստ են վերանայել նրա թեկնածությունը պետքարտուղարի պաշտոնում՝ Հիլարի Քլինթոնի հեռանալուց հետո:
Կիրակի երկու ազդեցիկ հանրապետական սենատորներ Ջոն Մաքքեյնն ու Լինդսի Գրեմը, որոնք նախկինում կտրականապես դեմ էին հանդես գալիս նրա նշանակմանը, հասկացնել են տվել, որ դիտարկում են նման հնարավորությունը: Այս մասին հայտնում է ITAR-TASS-ը:
Ռայսը հանրապետականների քննադատությանն էր արժանացել սեպտեմբերի 11-ին Լիբիայի Բենղազի քաղաքում ահաբեկիչների կողմից ամերիկյան հյուպատոսության վրա հարձակմանն առնչվող արտահայտությունների պատճառով: Ռայսը հայտարարել էր, որ հարձակումը տեղի է ունեցել ինքնաբուխ բողոքի ակցիայի ժամանակ, որն ուղղված էր ԱՄՆ-ում մուսուլմանների զգացմուքնները վիրավորող ֆիլմի թողարկմանը:
Սակայն ավելի ուշ պարզվեց, որ ահաբեկչությունը ծրագրել էին «Ալ-Քաիդայի» հանցակիցները: ԱՄՆ Կանգրեսը կասկածեց, որ վարչակազմը ոչ միայն անհրաժեշտ միջոցառումներ չի ձեռնարկել դիվանագետների պաշտպանության համար, այլև հասարակությունից թաքցրել է ինֆորմացիայի մի մասը:
Մաքքեյնն ու Գրեմը պատրաստակամություն են հայտնել՝ հանդիպելու նրա հետ Սենատում լսումների ժամանակ:
«Կարծում եմ, նա արժանի է, որ բացատրի իր դիրքորոշումը: Խնդիրը ոչ թե նրա հետ է կապված, այլ ԱՄՆ նախագահի հետ»,- հայտարարել է Մաքքեյնը Fox հեռուստաընկերության հետ հարցազրույցում: