«Մուլտի ագրո» ընկերության նախագահ Ռոզա Ծառուկյանը, որը ԲՀԿ առաջնորդ Գագիկ Ծառուկյանի մայրն է, այսօր մասնակցում էր «Սննդամթերքի անվտանգության ապահովման նշանակությանը առևտրի ծավալների ընդլայնման և նոր շուկաներ մուտք գործելուն» նվիրված համաժողովին: «Առաջին լրատվական»-ի հարցին ի պատասխան, թե ինչպե՞ս է գնահատում նոր կառավարության աշխատանքը, Ռոզա Ծառուկյանն ասաց. «Ես խնդրում եմ, նման հարց ինձ մի տվեք: Չեմ կարող պատասխանել, որովհետև կառավարությունը նոր է ձևավորված, դեռ 100 օր չունի»:
Մեր հիշեցմանը, թե վարչապետը խոսել էր հավասար պայմաններով հարկային դաշտի մասին, իր և իր տղայի հարկերը որքա՞ն են ավելացել, տիկին Ծառուկյանը հակադարձեց. «Չհասկացա, նման հարցեր ինձ մի տվեք: Հարկերը մուծում ենք այնպես, ինչպես որ պահանջվում է: Ուրիշ բան չեմ էլ պատասխանի ձեզ»: Ապա հեռանալով՝ հավելեց. «Վարչապետը, կառավարությունը. դե, գեղեցիկ չի, էլի»:
Մանրամասները դիտեք տեսանյութում:
