Հայաստանում Եվրամիության Խորհրդատվական խմբի եւ Քաղաքական և իրավական խորհրդատվության հայ-եվրոպական կենտրոնի (AEPLAC) նախաձեռնությամբ կազմակերպել էր սեմինար ժամանակակից ազգային քաղաքական կուսակցությունների անցումային մոդելները ԵՄ քաղաքական ընտանիքներին անդամակցություն նախաշեմին թեմայով:
ԵՄ խորհրդատվության խմբի ներկայացուցիչ էդուարդո Լորենցո Օչոան նշեց, որ ԵՄ-Հայաստան գործողությունների ծրագրին համահունչ այս սեմինարը նպատակ ունի խթանելու համագործակցությունը հայաստանյան կուսակցությունների և ԵՄ քաղաքական ընտանիքների միջև: Նրա խոսքերով, ԵՄ-Հայաստան Ասոցացման համաձայնագիրը նախատեսում է առավել սերտ համագործակցություն ՀՀ-ի և ԵՄ-ի միջև:
Օչոայի գնահատմամբ, ԵՄ քաղաքական ընտանիքներում Հայաստանի խորհրդարանում ներկայացված քաղաքական կուսակցությունների ինտեգրման աստիճանը գտնվում է ամենացածր մակարդակում, և քայլեր պետք է արվեն այն բարձրացնելու ուղղությամբ, քանզի այդ ինտեգրումը Հայաստանի քաղաքական առաջնորդներին հնարավորություն կտա տարին մի քանի անգամ հավասար պայմաններում քաղաքական տեսակետներով կիսվելու ԵՄ գլխավոր ղեկավարների հետ և մասնակցելու ԵՄ-ին վերաբերող բոլոր քաղաքական գործընթացին, ինչն էլ մեծապես կազդի ԵՄ որոշումների կայացման գործընթացների վրա սեփական ավանդն ունենալու առումով:
