«Ուոլ-սթրիթի երիտասարդ աշխատակիցների համար, ովքեր բառացիորեն ապրում են սոցիալական կայքերում, խոշոր բանկում աշխատելը կարող է իսկական վակուում թվալ: Ֆինանսական ընկերություններից շատերը արգելափակում են Facebook, Twitter և Gmail մուտքը»,- գրում The New York Times-ը:
«Ուոլ-սթրիթում աշխատելը պահանջում է լիակատար ինքնանվիրաբերում` առանց սոցիալական կայքեր և անձնական փոստ մուտք գործելու: Երբեմն թվում է, թե աշխատանքից բացի, ոչինչ այլևս գոյություն չունի»,- հեղինակը մեջբերում է JPMorgan Chase-ի վերլուծաբաններից մեկի խոսքը
Այնպես որ, սկսնակ վերլուծաբանները, ովքեր սովորաբար շաբաթական 80 ժամ են աշխատում, դիմադրում են: Օրինակ` ֆուտբոլ դիտելու համար աշխատակիցներից մեկը թիմի անվանումը google-թարգմանչի օգնությամբ թարգմանում է ռուսերեն և այն դիտում Rutube-ով, տեղեկացնում է հրատարակչությունը: Bank of America Merrill Lynch-ի վերլուծաբաններից մեկը պատմում է, որ Youtube-ի փոխարեն տեսանյութեր է դիտում Vimeo-ի օգնությամբ:
Հրատարակչությունը, մեջբերելով Չիկագոյի համալսարանի պրոֆեսոր Սթիվեն Նիլ Կապլանի խոսքերը, գրում է, որ երիտասարդ վերլուծաբանը միշտ է ստիպված եղել աշխատանքի վայրում ժամանակ մեռցնել:
Ներդրումային բանկերի ներկայացուցիչները պնդում են, որ սոցիալական ցանցերի արգելափակման հիմնական պատճառը ցանցերում տեղեկատվության ներհոսքի կարգավորումն է: Ֆինանսական արտադրության կարգավորման ծառայության տեղեկատվությամբ ընկերությունները պարտավոր են երեք տարի պահպանել ներքին գործնական նամակագրությունը: YouTube-ի արգելափակումը կապված է նրա հետ, որպեսզի աշխատողները աշխատանքի ժամանակ կողմնակի բաներով չզբաղվեն:
Արգելափակված քոնթենթին միանալու և միաժամանակ մյուս աշխատակիցների հետ կապի մեջ լինելու համար JPMorgan-ի աշխատակիցները հաճախ օգտագործում են իրենց iPhone-ները կամ iPad-ները, գրում է հրատարակչությունը:
Bank of America-ի երիտասարդ վերլուծաբանն էլ պատմել է, որ ազատ ժամանակ համացանցի փոխարեն կարելի է զբոսնել, որը ղեկավարության խոսքերով, ավելի առողջարար է:
