Առաջիկա հանգստյան օրերին եվրոպական առաջատար ֆուտբոլային առաջնություններում տեղի կունենան ընթացիկ մրցաշրջանի հերթական տուրերը:
Իսպանիայի Լա լիգայում նույնպես տեղի կունենա 13-րդ տուրը: Գործող չեմպիոն Մադրիդի «Ռեալ»-ն արտագնա խաղում կփորձի պարտության մատնել «Բետիս»-ին, որը վաստակած 19 միավորով 5-6-րդ հորիզոնականները կիսում է «Մալագա»-ի հետ: Առաջատար «Բարսելոնա»-ն նույնպես խաղալու է մրցակցի հարկի տակ: Կատալոնացիների հակառակորդը «Լևանտե»-ն է, որը 12 տուրերից հետո պատվավոր 4-րդ հորիզոնականում է և վաստակել է 20 միավոր: Երկրորդ հորիզոնականը զբաղեցնող Մադրիդի «Ատլետիկո»-ն սեփական հարկի տակ «Վիսենտե Կալդերոն» մարզադաշտում պայքարելու է «Սևիլիա»-ի դեմ («Սևիլիա»-ն 18 միավորով 8-րդն է):
Մրցաշարային աղյուսակը 34 միավորով գլխավորում է «Բարսելոնա»-ն: Կատալոնացիներին 3 միավորով է զիջում «Ատլետիկո»-ն: Մադրիդի «Ռեալ»-ը 26 միավորով 3-րդ տեղում է, իսկ առաջին քառյակը եզրափակում է «Լևանտե»-ն՝ 20 միավորով:
Գերարդյունավետ մրցաշրջանը շարունակում է «Բարսա»-ի առաջատար Լիոնել Մեսսին՝ 17 գոլով: Քրիշտիանու Ռոնալդուն հեղինակել է 12, իսկ Ռադամել Ֆալկաոն՝ 10 գոլ:
Լա լիգա, 13-րդ տուր. 23.11. «Ռեալ Սոսյեդադ» – «Օսասունա»: 24.11. «Ռայո Վալեկանո» – «Մալյորկա», «Վալյադոլիդ» – «Գրանադա», «Մալագա» – «Վալենսիա», «Բետիս» – «Ռեալ»: 25.11. «Էսպանյոլ» – «Խետաֆե», «Ատլետիկ» – «Դեպորտիվո», «Ատլետիկո» – «Սևիլիա», «Լևանտե» – «Բարսելոնա»: 26.11. «Սարագոսա» – «Սելտա»:
