ԱՄՆ տնտեսությանը՝ բնակատեղիներին ու ենթակառուցվածքներին «Սենդի» փոթորկի հասցրած վնասի վերականգնումը կարող է պահանջել հավելյալ 140-240 մլրդ դոլար: Այս մասին հայտնում է Bloomberg-ը՝ հղում անելով կանխատեսումներ կատարող Economic Outlook Group ընկերության հաշվարկներին:
Economic Outlook-ի հաշվարկներով՝ վերականգնման ծախսերը ամերիկյան ՀՆԱ-ին կօգնեն աճել հավելյալ 0,5 տոկոսով:
Ավելի վաղ պրոֆեսոր Փիթեր Մորիչին` Մերիլենդի համալսարանից, կանխատեսել էր «Սենդիի» դրական տնտեսական էֆեկտը 36 մլրդ դոլարով: Փոթորկի դրական էֆեկտի աճը Economic Outlook-ում բացատրել են նրանով, որ իշխանություններն ու բնակչությունը գումարներ կծախսեն ոչ միայն վերականգնման, այլև ենթակառուցվածքների ու բնակֆոնդի ամրացման վրա:
Նման կանխատեսում էր կատարել նաև Goldman Sachs-ը:
«Սենդի» փոթորիկը ԱՄՆ արևելյան ափերը պատուհասել էր հոկտեմբերի վերջին: Աղետի զոհ էր դարձել 110-ից ավելի մարդ՝ Նյու Յորքում զոհվել էր 50 մարդ, առանց տանիքի էր հայտնվել շուրջ 40 հազար մարդ:
