News Georgia-ի փոխանցմամբ՝ Թբիլիսիի քաղաքային դատարանը NCC շինարարական ընկերության գլխավոր տնօրեն Գեորգի (Գեգի) Կելբակիանիի, որին ռուսական մամուլն անվանում է 2013 թվականի նախագահական ընտրությունների ամենահավանական թեկնածու, նկատմամբ որպես խափանման միջոց է ընտրել 150,000 լարի (90,000 դոլար) գրավի դիմաց ազատ արձակումը, իսկ NCC-ի ֆինանսական մենեջեր Արչիլ Չոգովաձեի նկատմամբ՝ նախնական կալանքը:
Այս մասին Թբիլիսիի քաղաքային դատարանում հայտարարել են Կելբակիանին ու Չոգովաձեն, որոնք ձերբակալվել են չորեքշաբթի գիշեր: Նրանց նկատմամբ մեղադրանք է ներկայացվել քրեական օրենսգրքի 194-րդ հոդվածի 1-ին և 3-րդ կետերով՝ ապօրինի եկամուտների օրինականացում ու «փողերի լվացում»: Դրա համար նրանց սպառնում է 9-12 տարվա ազատազրկում:
Ձերբակալվածների փաստաբանները հայտնել են, որ Կելբակիանին ազատ կարձակվի նշված գրավի վճարումից անմիջապես հետո, ինչի համար նրան տրված է 30 օր: Կելբակիանիի ու Չոգովաձեի գործով նախնական լսումները նշանակված են 2013 թվականի հունվարի 16-ին:
