Ֆրանսիայի նախկին նախագահ Նիկոլա Սարկոզին խուսափել է իր 2007թ-ի նախընտրական քարոզարշավի ապօրինի ֆինանսավորման վերաբերյալ մեղադրանքից՝ հաղորդել է Agence France-Presse-ը:
Դատավորների կոլեգիան նոյեմբերի 22-ի ուշ երեկոյան որոշել է Սարկոզիին մեղադրանք չներկայացնել, այլ նախագահին տալ հատուկ վկայի կարգավիճակ: Դա նշանակում է, որ Սարկոզիի նկատմամբ հետաքննությունը շարունակվելու է և ապագայում հնարավոր է նրան մեղադրանք ներկայացվի: Սակայն, ինչպես նշում է AFP-ը՝ նման կարգավիճակը մեծացնում է հավանականությունը, որ արդյունքում Սարկոզիին անմեղ կճանաչեն:
Սարկոզիին այս կարգավիճակի հատկացման որոշումը կայացվել է այն բանից հետո, երբ նա վկայություն է տվել: Նա վկայություն տվել է փակ դռների հետևում:
Նշենք, որ հետաքննությունը կասկածում է, որ Սարկոզին ապօրինի կերպով գումար է ստացել Ֆրանսիայի ամենահարուստ կնոջից՝ L’Oreal ընկերության համասեփականատեր Լիլիան Բեթանկուրից: