Եգիպտոսի ընդդիմությունը նախագահ Մուհամեդ Մուրսիին մեղադրել է պետական հեղաշրջման մեջ և երկրի բնակիչներին զանգվածային ցույցերի կոչ է արել,- հայտնում է France-Presse-ը:
Այսպես են ընդդիմության ներկայացուցիչներն արձագանքել փոփոխություններին երկրի Սահմանադրությունում, որոնք զգալիորեն կընդլայնեն նախագահի լիազորությունները: Փոփոխությունները, որոնց մասին հայտարարվել էր նոյեմբերի 22-ին, նախագահին բացարձակ լիազորություններ են տալիս «հեղափոխության պաշտպանության» համար, նաև դատական օրգաններին զրկում են խորհրդարանի վերին պալատն ու Սահմանադրական հանձնաժողովն արձակելու իրավունքից: Սահմանադրական հռչակագրի (դեկլարացիայ) համաձայն` Մուրսիի` նախագահի պաշտոնը զբաղեցնելու պահից ի վեր ստորագրած ցանկացած օրենք և հրամանագիր չի կարող բողոքարկվել կամ չեղյալ հայտարարվել:
Նաև Եգիպտոսի գլխավոր դատախազի նշանակման նոր կարգ է ներմուծվում` նա նշանակվում է 4 տարի ժամկետով նախագահի հրամանագրով: Մուրսին արդեն նշանակել է նոր գլխավոր դատախազ` Թալհատ Իբրահիմին:
Սահմանադրական հռչակագրի համաձայն` կվերսկսվի 2011-ի սկզբին ցուցարարաների նկատմամաբ իշխանությունների իրականացված հանցագործությունների հետաքննությունը:
Սահմանադրական հռչակագրում փոփոխություններ մտցնելու մասին հայտարարելուց հետո Եգիպտոսի ընդդիմության ղեկավարները, նրանց թվում` ՄԱԳԱՏԷ-ի նախկին ղեկավար Մոհամեդ էլ-Բարադեյը և ԱՊԼ նախկին ղեկավար Ամր Մուսան, համատեղ մամլո կոնֆերանս են կազմակերպել , որի ժամանակ Մուրսիին մեղադրել են պետական հեղաշրջման և «երկրի իշխանությունների բոլոր 3 ճյուղերը մոնոպոլացնելու» փորձի համար: Նրանք բոլոր եգիպտացիներին զանգվածային ցույցերի կոչ են արել:
Սահմանադրական հռչակագրի փոփոխություններն ընդդիմությունը դիտարկում է որպես սպառնալիք Հոսնի Մուբարաքին տապալած ժողովրդավարական շարժմանը և խոսում է երկրում իսլամիստների ազդեցության հետագա մեծացման վտանգի մասին:
Նոյեմբերի 22-ին Մուրսիի կողմնակիցները, իրենց հերթին, հաջակցություն նախագահի, Կահիրեում Եգիպտոսի Գերագույն դատարանի շենքի մոտ ցույց են կազմակերպել, որին, AFP-ի հաղորդմամբ, մասնակցել է մի քանի հազար մարդ:
Մուհամեդ Մուրսին նախագահ է դարձել Հոսնի Մուբարաքի պաշտոնանկությունից հետո առաջին անգամ անցկացված նախագահական ընտրություններում: 2012-ի օգոստոսին նա փոփոխությւոններ է մտցրել Սահմանադրական հռչակագրում: