Ռուսաստանն ափսոսանք է հայտնել, որ արևմտյան ղեկավարները որոշում կայացրեցին Լիբիա ռազմական ներխուժման կապակցությամբ: «Մարտի 19-ին մի շարք երկների ռազմաօդային ուժերը ռազմական գործողություններ սկսեցին Լիբիայի դեմ: Մոսկվայում ափսոսանքով ընդունեցին այս ռազմական ակցիան, որը սկսվեց` հղում կատարելով ՄԱԿ-ի 1973 բանաձևին», նշվում է ՌԴ արտգործնախարարության հայտարարության մեջ:
ՌԴ դիվանագիտական գերատեսչությունը կոչ է արել ապահովել տեղի խաղաղ բնակչության և դիվանագետների անվտանգությունը: Հատկապես շեշտվել է Տրիպոլիում ՌԴ դեսպանատան անձեռնմխելիության անհրաժեշտությունը:
Ինչպես տեղեկացնում է ITAR-TASS գործակալությունը, ՄԱԿ-ում Լիբիայի հարցով բանաձևի ընդունումից մի քանի ժամ առաջ աշխատանքից հեռացվել է ՌԴ-ի դեսպանը Լիբիայում: Московские новости թերթը տեղեկացնում է, որ դեսպան Վլադիմիր Չամովին հեռացրել են` «ՌԴ շահերը պատշաճ չներկայացնելու համար»:
Հիշեցնենք, որ ՄԱԿ-ի անվտանգության խորհրդի 1973 բանաձևն ընդունվել է 2011թ. մարտի 18-ին և նպատակ է ունեցել փակելու Լիբիայի օդային տարածքը` այդ երկրի խաղաղ բնակչությանը Քադաֆիի զինված ուժերի ռմբակոծությունից փրկելու համար:
