Грузия Online-ի փոխանցմամբ՝ Վրաստանի նախագահ Միխեիլ Սաակաշվիլին խորհրդարանի ներկայացուցիչների հետ հանդիպման ժամանակ հայտարարել է, որ Վրաստանում անհնար է իրականացնել ռուսամետ քաղաքականություն, քանի որ ո՛չ նոր սերունդը, ո՛չ էլ հին սերունդը չեն համաձայնվի դրան.
«Եթե մենք նման մի բան անենք և մեկուսացվենք Եվրոպայից ու Ամերիկայից, ապա ինքնաբերաբար կհայտնվենք այնպիսի իրավիճակում, որ հեշտությամբ կվերածվենք թեթև պատառի: Վրաստանը չպետք է հեռանա եվրաատլանտյան տիրույթից, չպետք է միայնակ մնա: 2008 թվականին մենք փրկեցինք վրաց պետականությունը, այնպես որ, զավթիչն էլ չի հաղթել:
Ինչո՞ւ ենք մենք փրկել, որովհետև ողջ աշխարհն աջակցում էր մեզ, այստեղ ժամանեցին 6 նախագահներ, Վրաստանի ուղղությամբ շարժվեցին ամերիկյան նավերը: Մենք նորից կարող ենք հայտնվել այդպիսի սպառնալիքի տակ: Զավթիչի համար հեշտ է գտնել նոր առիթ, որպեսզի մեզ համար նման մի բան անի երկրորդ և երրորդ անգամ: Ռուսաստանին զայրացնում է վրաց պետականությունը, մենք չպետք է միայնակ մնանք նրա առջև»:
