Մեծ Բրիտանիայում սառաջարկվում է 400 ֆունտի դիմաց արյան փորձաքննություն հանձնել, որի ուսումնասիրությունից հետո կենսաբանական ուսումնասիրություններով զբաղվող ընկերության աշխատակիցները կասեն Երկրի վրա ձեր վերջին օրվա ամսաթիվը: Եվրոպական գիտնականների նոր հայտնագործությունը արդեն կիրառվում է թռչունների վրա,- տեղեկացնում է The Telegraph-ը:
Մահվան ամսաթվից բացի, թեսթը հնարավորություն է տալիս գուշակել հիվանդությունները, որոնք կարող են առաջանալ այս կամ այն մարդու մոտ: Գիտնականների կարծիքով, այս մասին կարելի է դատել քրոմոսոմային հատվածների միջին երկարությունից, որոնք մարմնաչափ են կոչվում: Դրանց երկարությունը բջջի ամեն բաժանվելու հետ կրճատվում է: Օրգանիզմի զարգացման ընթացքում դա կանոնավոր կերպով է տեղի ունենում:
Մարմանչափի երկարությունը հնարավորություն է տալիս որոշել մարդու կենսաբանական տարիքը (չշփոթել խրոնիկի հետ): Այն որոշում է ծերացման ինտեսիվությունը և օրգանիզմի ֆիզիկական զարգացման աստիճանը: Այդ պատճառով էլ, ելնելով մարմնաչափի երկարությունից, կարելի է գուշակել մարդու մահվան ամսաթիվը միայն այն դեպքում, երբ այն տեղի է ունենում բնական ճանապարհով:
«Փորձարկելով այս տեսությունը թռչունների վրա, մենք եկել ենք այն եզրակացության, որ թռչունի արյան մեջ կարճ և արագ փոքրացող մարմանչափերը խոսում են այն մասին, որ թռչունը կսատկի մեկ տարվա ընթացքում»,- հայտարարել է Դևիդ Ռիչարդսոնը Արևելյան Անգլիայի համալսարանից:
«Անկասկած, տարիքի հետ ցանկացած օրգանիզմում մարմանչափերի երկարությունը կրճատվում է, սակայն այդ կրճատման արագությունը ամեն մեկի մոտ տարբեր է: Եվ ինչքան արագ են դրանք փոքրանում, այնքան ավելի վատ օրգանիզմի համար»:
