Յոհանեսբուրգի կենտրոնում նոյեմբերի 20-ին տեղի ունեցած հրաձգության ժամանակ 3 մարդ է սպանվել, ևս 4-ը վիրավորվել են: Այս մասին հայտնում է Agence France-Presse-ը՝ հղում անելով տեղի ոստիկանության ներկայացուցիչ Փինկի Թսինյանեին: Sapa լրատվական գործակալություը հաղորդում է երկու տուժածի մասին:
Դեպքը տեղի է ունեցել երթուղային միկրոավտոբուսների ավտոկայանատեղիում: Իրավապահ մարմինների տվյալներով՝ սպանվածներից մեկը վարորդ է:
Կատարվածի առնչությամբ ենթադրվում է, որ հրաձգությունը եղել է տրանսպորտի ոլորտում խմբավորումների հակամարտության հետևանք: Սակայն ոստիկանությունում այդ վարկածը ո՛չ հաստատել են, ո՛չ էլ հերքել:
Գործով դեռևս ձերբակալվածներ չկան:
