Այսպես կոչված` «Սիրիայի բարեկամների» կոնֆերանսը տեղի կունենա Մարոկկոյում դեկտեմբերի 12-ին, հայտնել է Մարոկկոյի արտգործնախարարությունը, փոխանցում է Interfax.ru-ն:
Ավելի վաղ ծրագրվում էր այն անցկացնել հոկտեմբերին:
Սպասվում է, որ կոնֆերանսին կմասնակցեն որոշ արաբական և եվրոպական երկրներ, կազմակերպություններ և շարժումներ նեկայացնող մոտ 100 պատվիրակություն, այդ թվում`վերջերս կազմավորված Ընդդիմադիր և հեղափոխական ուժերի ազգային կոալիցիայի ներկայացուցիչներ:
Դիվանագիտական աղբյուրները հայտնել են, որ ենթադրաբար, կոնֆերանսին կմասնակցի ԱՄՆ պետքարտուղար Հիլարի Քլինթոնը:
Քննարկաման հիմնական թեմաները կլինեն «քաղաքական անցման (իշխանությունը Սիրիայում) ուղիները և հումանիտար օգնության համար ուժերի մոբիլիզացման հարցերը»,- ասված է Մարոկկոյի ԱԳՆ-ի հայտարարության մեջ:
