Անգլիկան եկեղեցու Գլխավոր սինոդնն այսօր կորոշի այն հարցը, թե կարող է արդյոք կինը դառնալ եպիսկոպոս: Գեղեցիկ սեռի ներկայացուցիչները Բրիտանական կղզիներում հոգևորական դառնալու իրավունք արդեն ունեն: Դրան նրանք հասել են 90-ականների կեսերին: Այժմ կանանց և տղամարդկանց իրավահավասարության համար պայքարը դուրս է եկել եկեղեցական հիերարխիայի հաջորդ մակարդակ: Այս մասին հաղորդում է Vesti-ն:
Անգլիկան եկեղեցու հիերարխիայում եպիսկոպոսությունը միայն մեկ աստիճանով է ցածր Քենթերբերիի արքեպիսկոպոսության աստիճանից: Կանանց եպիսկոպոսության հարցը՝ տևական և բուռն վեճերի թեմա է հոգևորականության շարքերում:
Վերջին առնվազն 4 տասնամյակում Անգլիկան եկեղեցին զգալիորեն թուլացրել է դիրքերը: Այժմ կանոնավոր կերպով եկեղեցի են այցելում Մեծ Բրիտանիայի բնակչության երկու տոկոսից ավելին: Դատարկվող եկեղեցիները հանձնվում են վարձակալութամբ, վերածվում մզկիթների:
Կին հոգևորականները կարծում են, որ եկեղեցին պետք է վերածնվի փոփոխությունների շնորհիվ:
Քվեարկության նախօրեին եկեղեցու շուրջ 1000 ներկայացուցիչներ բաց նամակ են ուղղել սինոդին՝ կանանց և տղամարդկանց միջև անհավասարության լիովին վերացման կոչով: Սակայն եկեղեցու կազմի մեջ մտնող անգլո-կաթոլիկներն ու ավետարանչականները դեմ են այդ փոփոխությանը:
Մի քանի ժամից իրենց խոսքը կասեն սինոդի 467 անդամները: Եթե նրանք կողմ քվեարկեն, և փոփոխությանն իրենց համաձայնությունը տան խորհրդարանն ու թագուհին, ապա արդեն 2014 թվականին Անգլիայում կարող է հայտնվել այդ երկրի պատմության մեջ առաջին կին եպիսկոպոսը:
