Intel կորպորացիայի նախագահ և գլխավոր տնօրեն Փոլ Օթելինին 2013 թ. մայիսին կլքի իր պաշտոնը: Այս մասին ընկերությունը տեղեկացրել է պաշտոնապես:
Օթելինին Intel-ում աշխատել է շուրջ 40 տարի: Գլխավոր տնօրենի աթոռը զբաղեցրել է յոթ տարի՝ 2005-2012 թվականներին: Տնօրենների խորհուրդը սկսել է ղեկավարի պաշտոնի թեկնածուներ փնտրել:
Ընկերության մամլո հաղորդագրության մեջ նշվում է, որ Օթելինիի ղեկավարման ժամանակաշրջանում ընկերության շահույթը հասել է 107 միլիարդ դոլարի: Ամենամյա շահույթը 38,8 միլիարդ դոլարից հասել է մինչև 54 միլիարդի, իսկ բաժնետոմսերի շահույթը 1,4 դոլարից բարձրացել է՝ հասնելով 2,39 դոլարի:
Intel-ը հիմնադրվել է 1968 թվականին: Ընկերությունն աշխարհում միկրոպրոցեսորների ամենախոշոր արտադրողն է: