Քիմ Քարդաշյանը ժամանել է Մեծ Բրիտանիայի մայրաքաղաք Kardashian Collection հագուստի սեփական հավաքածուն ներկայացնելու և միաժամանակ Քեմբրիջի դքսուհի Քեյթ Միդլթոնի հետ ծանոթանալու համար:
Միդլթոնը, սակայն, ոչ միայն չի ցանկացել ծանոթանալ Քարդաշյանի հետ, այլև որևէ ընդհանուր բան ունենալ: Այնուամենայնիվ, Քարդաշյանը որոշել է սեփական հավաքածուից մի քանի նորաձև հագուստ նվիրել նրան: Բայց, ամենայն հավանականությամբ, Քեմբրիջի դքսուհին չի գնահատել Քարդաշյանի այս քայլը և հրաժարվել է ընդունել նվերները:
Բուքինգհեմյան պալատի անանուն աղբյուրը մեկնաբանել է, որ դքսուհին հրաժարվել է ընդունել Քարդաշյանի նվերները նրա սկանդալային կերպարի պատճառով: Բայցի դրանից` Քեյթը երբեք չէր կարող կրել այդ հագուստները, քանի որ դրանք շատ սեքսուալ են և չեն համապատասխանում Քեմբրիջի դքսուհու կարգավիճակին ու ոճին:
