Արցախը տալ Ադրբեջանին հնարավոր չէ՝ ադրբեջանցիները պետք է մեկընդմիշտ հասկանան դա։ Նման կարծիք «Առաջին լրատվական»-ի հետ զրույցում հայտնեց ԼՂՀ նախագահ Բակո Սահակյանի մամլո խոսնակ Դավիթ Բաբայանը՝ անդրադառնալով Ադրբեջանի արտգործնախարարության պաշտոնական ներկայացուցիչ Էլման Աբդուլաևի այն հայտարարությանը, թե Հայաստանը ղարաբաղյան հակամարտության խաղաղ կարգավորումը դիտավորյալ ձգձգում է և քաղաքական կամք չի դրսևորում։
«Ընդհանրապես մեկնաբանության կարիք չունեն նմանատիպ արտահայտությունները, որովհետև եթե Հայաստանը հայտարարի, որ բանակցում է, նրանց համար դա կնշանակի Արցախը ուղղակիորեն վերցնել և տալ իրենց: Ադրբեջանը պետք է մեկընդմիշտ հասկանա, որ անցյալին վերադարձ չկա: Նրանք խաղաղ բանակցությունը մի փոքր այլ կերպ են ընկալում»,- նշեց Դ. Բաբայանը:
