Չինաստանի Հունան նահանգի Չանգշա քաղաքում սահմանվել է հղի կանանց՝ յոգայով խմբակային պարապելու նոր համաշխարհային ռեկորդ: Հունիսի 8-ին 505 հղի կին 37 րոպե 28 վայրկյան բաց երկնքի տակ ընդունել են յոգայի ասաններ (դիրքեր)՝ հայտնում է CCTV News-ը:
Ըստ միջոցառման պայմանների՝ կանայք պետք է ասաններ ընդունեին առնվազն 30 րոպե: Թե Գինեսի ռեկորդների գիրքը երբ պաշտոնապես կճանաչի ռեկորդը՝ հայտնի չէ:
Յոգայի ռեկորդակիր կանանց հղիությունը եղել է առնվազն 12 շաբաթական: Միջոցառումից առաջ բոլոր կանայք պարտադիր ներկայացրել են փաստաթուղթ հղիության մասին և այն մասին, որ իրենց առողջական վիճակը թույլ է տալիս յոգայով պարապել:
Նախորդ նույնանման ռեկորդը գրանցվել է 2013 թվականին՝ չինական Շենչժենում: Այն ժամանակ միջոցառմանը մասնակցել է 423 կին:
