Միք Ջագերը իր սիրելիի՝ Լորեն Սքոթի մահվանից հետո կարծես սթափվել է: Երգիչը հանգստյան օրերը Շվեյցարիայում անցկացրել է գիշերային ակումբում ծանոթացած մի անծանոթ աղջկա հետ: Այժմ նա շրջագայում է Եվրոպայում՝ գրում է Spletnik.ru-ն:
Այսպես, Rolling Stones-ի վոկալիստը Ցյուրիխի հյուրանոցի պատշգամբում համբուրվելով լուսանկարվել է մի գեղեցիկ կնոջ հետ: Լուսանկարները հրապարակել է Sun պարբերականը: Դրանից մի քանի ժամ անց խումբը հանդես է եկել համերգով: Աղբյուրների տվյալներով՝ աղջիկը Միքի հետ է անցկացրել հանգստյան բոլոր օրերը:
Ջագերի ներկայացուցիչները առայժմ չեն մեկնաբանել տեղեկատվությունը:
Հիշեցնենք, որ Լորեն Սքոթը 49 տարեկանում ինքնասպան էր եղել: ԶԼՄ-ները հաղորդում են, որ Ջագերը դրանից հետո ընկճախտի մեջ է ընկել և հետաձգել իր բոլոր ծրագրված համերգները: Զույգը հանդիպում էր արդեն 13 տարի:
