Հայաստանում՝ Հարավային ռազմական շրջանի ռուսական ռազմաբազայի բարձրլեռնային «Կամհուդ» ուսումնամարզական համալիրում, մեկնարկել են դիպուկահարների հրաձգային վաշտի զինծառայողների հետ անհատական նախապատրաստության ամսական հավաքները:
Ինչպես հայտնում է Հարավային ռազմական շրջանի մամլո ծառայությունը, նախապատրաստական պարապմունքների ընթացքում զինծառայողները կանցնեն մարտավարական և կրակային նախապատրաստության հատուկ կուրս՝ մասնագիտացված թիրախային դաշտում:
Դասաժամերի մեծ մասը կտրամադրվի անհատական նշանառության կանոների յուրացմանն ու թիրախների ընտրմանը՝ դիպուկահարի «Դրագունովա» և «Վինտորեզ» հրացանների կիրառամբ: Այս մասին փոխանցում է Regnum-ը:
Առաջին անգամ Հայաստանում ռուսական ռազմաբազայի զինծառայողների նախապատրաստման պրակտիկայում կկիրառվեն տեղանքի որոշման եզակի սարքավորուներ՝ «Գրոտ» ԳԼՈՆԱՍՍ (գլոբալ նավիգացիոն արբանյակային համակարգ)-նավիգատորներ:
Հավաքների նախաշեմին վաշտի հրամանատարի կողմից ռազմական հոգեբանների հետ անցկացվել է ապագա դիպուկահարների ընտրություն՝ ավելի քան 3000 զինվորից, ովքեր եկել էին բոլոր ռազմական շրջանների զորամասերից:
Գործընթացը եղել է փուլային և բազմամակարդակ, նախապատվություն է տրվել նրանց, ովքեր բնավորությամբ ավելի տոկուն են և անվրդով: Արդյունքում ընտրվել են 50 զինծառայողներ՝ էլիտար ստորաբաժանման կազմում ծառայություն անցնելու համար:
