«Բանակում կատարված դեպքերը՝ թե՛ հրազենային վնասվածքի, թե՛ հիվանդության դեպքերը, զոհերի քանակը ավելի քիչ է, քան նախորդ տարի: Ցանկացած մայր տեսնելով, որ հարևանի տղայի դին են բերել, կսկսի վախենալ և մտահոգվել, բայց ծնողը հենց տեղից պետք է առանց խուճապի ուղարկի»,- «Առաջին լրատվական»-ի հետ զրույցում ասաց «Զինվոր» համակարգող խորհրդի նախագահ Մարգարիտա Խաչատրյանը:
Նա հայտարարեց, որ այս քսան տարվա ընթացքում հայկական բանակում չկա զինվոր, որ ինքնասպանություն է գործել, կան ոչ կանոնադրային հարաբերությունների, զենքի չիմացության պատճառով զոհեր, բայց չկան ինքնասպան զինվորներ:
«Եթե մարդը 18 տարվա ընթացքում ինքնասպանություն չի գործել, նշանակում է՝ բանակում ինչ-որ դրդապատճառ եղել է, բայց մենք նման զինվորներ չունենք: Ես զինվոր-զինվոր, զինվոր-սպա հարաբերություններում տեսնում եմ դրական դինամիկա. դա է մեր զոհերի քանակի նվազման ապացույցը»,-ասաց նա:
Հարցազրույցն ամբողջությամբ՝ տեսանյութում:
