Ջենիֆեր Լոպեսը վերջին ժամանակներում ուշադրության կենտրոնում է. նա ներկայացրել է իր նոր ալբոմը, նոր տեսահոլովակ է թողարկել, իսկ մայիսի կեսին ստացել է Billboard Music Awards-ի «Տիպար» մրցանակը, գրում է Spletnik.ru-ն:
InStyle ամսագիրը նրան իր նոր համարի հերոսուհին է դարձրել:
Հարցազրույցի ամբողջական տեքստը խմբագրությունը դեռ չի հրապարակել՝ կիսվելով միայն զրույցի հատվածներով: Այսպես, Ջեյ Լոն ամսագրի լրագրողին պատմել է, որ նրա մոտակա պլաններում ոչ միայն ալբոմի թողարկումն է, այլև նոր դրամատիկ ֆիլմի վրա աշխատանքը և հերթական օծանելիքի թողարկումը, ինչպես նաև սեփական նորաձևության կայսրության զարգացումը:
Իր և Կասպեր Սմարթի հարաբերությունների մասին խոսելիս Լոպեսն ասել է, որ նրա հետ սկսել է հանդիպել Մարկ Էնթոնիից բաժանվելուց անմիջապես հետո: Նա շատ հեշտ է դա բացատրել. «Ես մենակ մնալ չեմ սիրում»:
Այսօր Լոպեսը մամուլի ուշադրության կենտրոնում հայտնվել է ևս մեկ պատճառով. 2000թ. Grammy-ի մրցանակաբաշխությանը երգչուհին հայտնվել է Versace-ի կանաչ զգեստով:
14 տարի անց երգչուհին բեմ է դուրս եկել այդ զգեստին շատ նման հագուստով, որը նա հագել է իր հայրենի Բրոնքսում ունեցած համերգի ժամանակ, որտեղ նա առաջին անգամ էր ելույթ ունենում:
