Արգենտինայի հավաքականի ավագ Լիոնել Մեսսին 2014 թվականի աշխարհի առաջնությանն ընդառաջ ընդգծել է, որ թիմում միասնության մթնոլորտ է տիրում:
Կատալոնական «Բարսելոնա»-ի հարձակվողի խոսքերով` ինքն ու իր խաղընկերները լավ են հասկանում, որ շատ բան կախված է լինելու մրցաշարում հաջող մեկնարկից: Հիշեցնենք, որ «Մունդիալ-2014»-ի խմբային փուլում արգենտինացիների առաջին մրցակիցը լինելու է Բոսիայի և Հերցեգովինայի հավաքականը:
«Ես կարծում եմ, որ մենք շատ ուժեղ թիմ ունենք: Արգենտինայի հավաքականում կան իսկապես մեծագույն ֆուտբոլիստներ: Մեր բոլոր մտքերն արդեն այնտեղ են` աշխարհի առաջնությունում: Շատ կարևոր է լավ սկսել խմբային մրցաշարը: Մենք բոլորս քրտնաջան աշխատում ենք մարզումների ժամանակ, և մեր թիմում տիրում է միասնություն»,- Մեսսիի խոսքերը մեջբերում է Goal.com-ը:
