Ջեյ Զիի և Բեյոնսեի քրոջ՝ Սոլանժ Նոուլզի սկանդալային վեճից հետո երբևէ ամուր զույգը ճգնաժամի մեջ է՝ հայտնում է Grazia ամսագիրը:
Ամսագրի աղբյուրները հայտնում են, որ Բեյոնսեն ամուսնու հետ հարաբերությունների հարցում խորհրդակցում է ամենամտերիմ ընկերուհիներից մեկի՝ դերասանուհի Գվինեթ Փելթրոուի հետ:
Աղբյուրը պատմում է. «Նրանք ուզում են հասկանալ՝ ամուսնության հետ ինչ անել հետո, նաև խորհուրդներ ստանալ ընկերներից՝ ներառյալ Գվինեթ Փելթրոուից և Քրիս Մարտինից. նրանք նույնն են արել ու սկսել են իրարից առանձին ապրել, երբ նրանց ամուսնությունը ճգնաժամային փուլում էր: Նրանց անհրաժեշտ էր մաքուր օդ շնչել»:
Ըստ աղբյուրների՝ Բեյոնսեն և Ջեյ Զին ևս սկսել են առանձին ապրել. «Բեյոնսեն իրենց Նյու Յորքի տանն է, իսկ Ջեյ Զին՝ Մանհեթենի բնակարանում: Նա նաև ժամանակ է անցկացնում Հեմփթոնսում»:
Հիշեցնենք, որ վերելակում Սոլանժը բռունցքներով հարձակվել էր քրոջ ամուսնու՝ Ջեյ Զիի վրա: Հետո նրանք հանդես եկան համատեղ հայտարարությամբ՝ աելով, թե ամեն ինչ հարթվել է:
Ներքին աղբյուրները պնդում են, որ առանձին ապրելը նպաստում է Բեյոնսեի և Ջեյ Զիի հարաբերություններին. «Նրանք հնարավորություն են ստացել գլուխ հանել իրենց խնդիրներից ու վերագնահատել ամուսնության նկատմամբ հայացքները: Նրանք չեն թաքցնում, որ իրարից առանձին են ապրում և դեռ պարբերաբար հանդիպում են»:
Մեկ այլ աղբյուր էլ ավելացրել է. «Բեյոնսեն շատ է ուզում, որ ամեն ինչ հարթվի, իսկ մարդիկ դադարեն քննարկել իրենց ամուսնական խնդիրները»:
Բեյոնսեն և Գվինեթ Փելթրոուն
Ջեյ Զին և Բեյոնսեն
Սոլանժ Նոուլզը
Գվինեթ Փելթրոուն և Քրիս Մարտինը
