Նեպալում մոտ 2 000 մարդ գրկել է ծառերի, որպեսզի այդ կերպ նշի Շրջակա միջավայրի օրը և միաժամանակ հայտնվի Գինեսի ռեկորդների գրքում, հայտնում է Associated Press-ը:
Միջոցառմանը, որը տեղի է ունեցել Կատմանդուի մոտ գտնվող պարկում, մասնակցել են տեղի խորհրդարանի անդամները, ուսանողներ, գրասենյակային աշխատակիցներ, բուդդայական վանականներ և շատ այլք: Նրանք մտադիր են պարկում արված լուսանկարներն ու տեսանյութերն ուղարկել, որպեսզի դա գրանցվի Գինեսի գրքում:
Նունանման ակցիայի գործող ռեկորդը սահմանվել է 2013 թվականին Պորտլենդում՝ Օրեգոն նահանգում: Այն ժամանակ 936 մարդ էր միաժամանակ ծառեր գրկել:
Թե ինչպես են Նեպալում տեղի ունեցածին արձագանքել Գինեսի ռեկորդների գրքի ներկայացուցիչները՝ չի ճշգրտվում:
Շրջակա միջավայրի միջազգային օրը նշվում է ամեն տարի հունիսի 5-ին, 1972 թվականից:
