«Ընդդիմադիրների ընդդիմադիր լինելը նշանակում է ընդդիմադիր լինել քաղաքական իշխանությունների կուրսին: Խոսքը կազմաքանդման մասին չէ, պարզապես այն քաղաքական կուրսը, որն ապահովում է կառավարող ուժը, դրան հակառակվելը ընդդիմության սրբազան գործն է»,-«Առաջին լրատվական»-ի հետ զրույցում նման տեսակետ հայտնեց ԳԽ նախկին պատգամավոր, նախկին քաղբանտարկյալ Ազատ Արշակյանը:
Նրա խոսքերով՝ եթե իսկապես դեմ են, ապա պետք է առաջին հերթին Հայաստանի ինքնիշխանության ռեժիմը փոփոխող ծրագրերին դեմ լինեին՝ Մաքսային միություն և Եվրասիական միություն․ «Նույնիսկ եթե ունեն տարաձայնություններ, դա համար առաջին միաբանող ու կազմաքանդող խնդիրը պետք է լիներ»,- ընդգծեց Արշակյանը՝ հավելելով, որ հիմա արհեստական է քառյակի գործունեությունը, այն թվացյալ ընդդիմություն է, որովհետև գլխավոր հարցում նրանք տարբեր ճամբարներում են:
Հարցին, թե գուցե այդ ընդդիմությունից դուրս որևէ բան նախաձեռնեն իրականացնել, որը հասարակությանը վստահություն կներշնչի, մեր զրուցակիցն ասաց․ «Մի հրաշալի հնարավորություն կա, դա մեր նախաձեռնությունը չէ: Մի քանի շաբաթ առաջ Ռուսաստանի նախագահը մի հրամանագիր ստորագրեց Ղրիմի բռնադատված ժողովուրդների ռեաբիլիտացիայի մասին. մեկն էլ հայ ժողովուրդն է: Ընդհանրապես, 1920 թվականից այս կողմ հայերի շահերը պաշտպանող որևէ հրամանագիր չի եղել: Սա մեզ նվեր է՝ գործ սկսելու համար: Հայկական պետությունը կործանող անձանց՝ Միկոյանի ժառանգների ագրեսիան ջախջախվեց: Այս հաղթանակը պետք է մեզ վստահություն տա, որպեսզի մենք նոր գործընթաց սկսենք»:
Մանրամասները՝ տեսանյութում